Presidenti i Barcelonës, Josep Maria Bartomeu i ka bërë thirrje lojtarëve, tifozëve dhe trajnerëve të klubit të qëndrojnë së bashku pas eliminimit nga Liga e Kampionëve.

“Blaugranët” u tronditën nga Roma të martën pasi skuadra në Serie A arriti të rikthehet nga disavantazhi prej 4 me 1 duke realizuar fitore 3 me 0 në Stadio Olimpico, transmeton portali arbresh.info.

Trajneri Ernesto Valverde padyshim se do të jetë nën presion për shkak se klubi është eliminuar për të tretin vit radhazi në UEFA Liga e Kampionëve ndërkohë që Real Madridi është në kërkim të titullit të tretë radhazi evropian.

“Eliminimi nga Liga e Kampionëve është një humbje e madhe për të gjithë tifozët e Barcelonës”, ka shkruar Bartomeu në Twitter. “Por, tani është koha kur tifozët, trajnerët dhe lojtarët duhet të jenë më të bashkuar se kurrë”

“Ne kemi humbur në formë të njëjtë vitin e kaluar dhe kemi thënë se nuk e donim këtë sërish”, shtoi ai. “Ne ndihemi bosh dhe është vështirë tani sepse ne jemi jashtë një kompeticioni që dëshironim të qëndrojmë”

/arbresh.info/